🖊ОУ-ын ахмадын өдрийг тохиолдуулан “Ахмадын баярын өдрөөр сумын Иргэдийн Төлөөлөгчдийн Хурал, Засаг даргын Тамгын газар, Соёлын төв, Ахмадын хорооноос хамтран ахмадуудад хүндэтгэл үзүүлэн баярын хурал зохион байгуулан шагнаж урамшууллаа. 🇲🇳 Монгол Улсын бүтээн байгуулалт, хөгжлийн төлөө залуу нас, оюун ухаан, мэдлэг чадвар, сэтгэл зүрхээ харамгүй зориулж ирсэн ахмад буурлууд та бүхэндээ эрүүл энх, аз жаргалтай, урт удаан наслахын ерөөлийг өргөн дэвшүүлье!

Сумын Иргэдийн Төлөөлөгчдийн Хурлаас хууль тогтоомжийн хэрэгжилт, орон нутгийн төсвийн хөрөнгө оруулалт, газар зохион байгуулалт, төрийн өмчийн ашиглалт, хоршоог хөгжүүлэх сангийн үйл ажиллагаа, болон журмын хэрэгжилтийг хангах, ил тод, үр дүнтэй байдалд хяналт тавих, зөрчил дутагдлыг илрүүлэх зорилгоор хяналт шалгалтын ажлыг 2025 оны 09 дүгээр сарын 29-нөөс 30-ны өдрүүдэд зохион байгууллаа. Иргэдийн Төлөөлөгчдийн хурлын хороод чиг үүргийн дагуу дараах чиглэлээр хяналт шалгалтын ажлыг хийж гүйцэтгэлээ. 📌Төсвийн хөрөнгө оруулалт, бүтээн байгуулалтын чиглэлээр: Улс, аймаг болон орон нутгийн төсвийн хөрөнгө оруулалт; Орон нутгийн хөгжлийн сангийн хөрөнгөөр хийгдэж буй ажил, үйлчилгээ; 📌Газрын зохион байгуулалт, төлөвлөлтийн чиглэлээр: Сумын газар зохион байгуулалтын ерөнхий төлөвлөгөөний хэрэгжилт; 📌Хоршоо хөгжүүлэх сангийн үйл ажиллагааны чиглэлээр: Зээлийн олголтын журам, сонгон шалгаруулалтын ил тод байдал; Зээлийн зориулалтын дагуу зарцуулалт, эргэн төлөлт; Аж ахуйн нэгж, иргэдийн хүлээсэн үүргийн биелэлт; Хяналт шалгалтаар илэрсэн зөрчил дутагдлыг арилгуулахаар зөвлөмж чиглэл өгч ажиллалаа.

Дорноговь аймгийн ирээдүйг бүтээлцэх залууст зориулж! 📅 2025–2026 оны хичээлийн жилд 💡 10 мэргэжлийн чиглэлээр 💰 200 сая төгрөгийн тэтгэлэгийн санг зориулна. 📌 Дэлгэрэнгүй мэдээллийг цахим хуудсанаас авч, иж бүрэн өргөдөл бүхий материалыг цахимаар ирүүлхийг хүсье! 👉 www.dghumans.org/scholarship 📞 Холбогдох утас: 96010333, 94098899

Аймгийн Засаг даргын Захирамжаар жил бүр хүүхдийн эрхийг хамгаалах нөлөөллийн арга хэмжээг зохион байгуулдаг бөгөөд энэ удаад “ЭЕРЭГ ХАНДЛАГА-ЗӨВ ДАДАЛ” аяныг эхлүүлж байна. Хүүхдүүдэд тулгамддаг маш олон асуудал бий…үе тэнгийн дээрэлхэлт, ялгаварлан гадуурхалт, асран хамгаалагчид, насанд хүрэгчдийн сөрөг харилцаа, хандлага, үл ойлголцол, аливаа хэлбэрийн хүчирхийлэл, дарамт, бэрхшээл, хичээлийн хоцрогдол, сэтгэл санааны гутрал, хөгжих боломж хязгаарлагдмал, бусад бэрхшээл… гэх зэрэг. “Хүүхдийн эрх зөрчигдсөөр л байна. Хүүхдийн эрхийг хүн бүр хамгаална”. Иймээс хүн бүр эерэг харилцаа, хандлагыг эрхэмлэж, эцэг эх, асран хамгаалагч, багш, ажилтан гээд бүгд хүүхдийг ойлгож сонсох, тэдэнтэй ярилцан туслах зөв дадлыг бий болгоорой. Эерэг хандлага бол хүүхдийн эрхийг зөрчихгүй, хүүхдийг эрсдэлээс хамгаална. Зөв дадал бол хувь хүнийг үргэлж хөгжүүлнэ. Энэхүү аянд нэгдэж буйгаа илэрхийлж насанд хүрэгчид: Хүүхэдтэй харилцдаг эерэг дадлаасаа, эсвэл эерэг дадлыг бий болгоно гэдгээ илэрхийлж түгээнэ.

Монгол Улсын Засгийн газрын 2025 оны 08 дугаар сарын 06-ны өдрийн хуралдаанаас гарсан чиглэлийн дагуу Айраг сумын Иргэдийн Төлөөлөгчдийн Хурлын төрийн жинхэнэ албан хаагчдын 2024 оны жилийн эцсийн тайлан болон 2025 оны хагас жилийн ажлын гүйцэтгэлийн тайлан, үнэлгээг иргэд та бүхэнд нээлттэй ил тод танилцуулж байна.

4-р багийн айл өрхүүдийн нүхэн жорлон, муу усны цооногийг ариутгах ажил багийн Засаг даргын санаачлагаар 2025 оны 08 дугаар сарын 23, 24ны өдрүүдэд хийгдэж байна. Иймд иргэд нохойгоо уяатай, гэрээ хүнтэй байлгаж зохион байгуулж буй ажлыг дэмжиж оролцохыг уриалж байна. Асууж тодруулах зүйл байвал 99826267 дугаарт холбогдоно уу.

ХУРАЛДААН 2025 ОНЫ 07 ДУГААР САРЫН 28-НЫ ӨДРИЙН 09:00 ЦАГТ 52,3 ХУВИЙН ИРЦТЭЙГЭЭР ЭХЭЛЛЭЭ. ХУРАЛДААНААР ДАРААХ АСУУДЛЫГ ХЭЛЭЛЦЭНЭ. 1.Иргэдийн Төлөөлөгчдийн Хурлын төлөөлөгчийн бүрэн эрхийг батлах. 2.Орон нутгийн тусгай хамгаалалтад газар авах тухай. 3.Орон нутгийн 2025 оны төсөвт тодотгол хийх тухай. 4.Иргэдийн Төлөөлөгчдийн Хурлын 2025 оны гүйцэтгэлийн төлөвлөгөөний эхний хагас жилийн хэрэгжилтийг танилцуулах. 5.Бусад 🇲🇳АЙРАГ СУМЫН ИТХ🇲🇳